امریکہ - جرمنی تعلقات میں کشیدگی

اہل بیت(ع) نیوز ایجنسی۔ابنا۔ جرمن وزیر خارجہ ہیکو ماس نے کہا ہے کہ امریکہ اور جرمنی میں جاری کشیدگی امریکہ کے صدارتی انتخابات میں ٹرمپ کی ناکامی کی صورت میں بھی ختم نہیں ہو گی۔

انہوں نے کہا کہ امریکی صدر ٹرمپ نے اسٹریم ٹو پروجیکٹ اور دفاعی اخراجات کے تعلق سے اٹلانٹک کے دو طرفہ تعلقات پر دباؤ بنا رکھا ہے۔

امریکی صدر ٹرمپ، جب سے بر سر اقتدار آئے ہیں وہ جرمنی پر تنقید کرتے رہے ہیں اور انہوں نے فوجی بجٹ بڑھانے پر ہمیشہ زور دیا ہے۔امریکہ نے دو ہزار انیس میں یورپی یونین کے خلاف المونیم اور اسٹیل کی مصنوعات پر ٹیکس میں بھی اضافہ کیا ہے جس سے جرمن گاڑیوں کی صنعت پر خاصا اثر پڑا ہے۔